لا الملا مسلم الوائلى ليس خاطب
واسمه الحقيقى مسلم محمد لفتة
مواليد 1999
السكن: الناصرية -سوق الشيوخ
لديه 3 اخوات هما مجتبئ -مقتدئ -على
بدأ مسيرته عام 2008
اشتهر بقصيدة ساجينى حزنك
وهى تقول
يحسين إجيتك محترگ . مجمر دليلي من العشگ . بعيوني شايل كربله . ومعزب بصدري السحگ
ساجيني حزنك وانصلب شفه إعله بيبان العطش
يرسملي طولك عالترب بحوافر الخيل انفرش
اشلون ابحصيره تنجمع ماكو إعله گد طولك نعش
هم لمو من الداستـك لو ضاعن ابليل إهدعش
مابارحت حزنك يوم . ولا لاگت إعليه اهدوم
كل عمري خلص كربله . غربت بنات امدللـه
---------------------------------------
كل خطوه تگضي من الدرب يتسامر بعيني الدمع
تسولفلي عنك بالسحگ راح ابسنابكهم ضلع
بعيونك مكابر عطش يالمنذبح ذبحة شمع
من ثوبي وياك استحي عريان اشوفك منصرع
يحسين ياحزن الله . مسلوب ثوبك غفله
من ثوبك المسلوب أمس . يبدي الستر يابو الشمس
---------------------------------------
وازه السمه من عالرمح راسك يبن حيدر صعد
ابشيبته توضه العرش ولقبـلة اعيونك سجد
بس انته يحسين وچـذب يشمخ نخل عالگاع ابد
من عينك الحد عينك و مامش وره عيونك بعد
راسك بـالرمـاح ايبات . يسگي ابضواه النجمات .
بس انته بعيوني العشگ . والباقي غربة إعله الصدگ
---------------------------------------
من غربة اظنونك بدت كل المواسم والسفر
ليل وحزن يشرب حزن والغربة لچمات وسهر
اشما يمحل ابروحي العشگ يـزگيتي من عندك مطر
وأذكر عطش گلبك واحن والتم رذاذ إعله النحر
ماي إعله گلبك ياريت . اتبـده كون اتبديت
بلكي الله تبري من الضمه . وعيونك اتلم السمه
---------------------------------------
يمتد علينه افيايك ونلتم حـدر فـي العشگ
بعيوني يعرض طولك مطشر حدر خيل السحگ
ياخذني يحسين الهضم وأهجر صحبتي وأحترگ
كلما شفت ماي السبيـل إعله الدرب حيل اختنگ
عطشان وبلايه افيـاي . عمت عيني وآنه اشرب مـاي
امنومني بفاياي الخيم . ومنوم ابگلبك سهم