احس اني مو ابنتهم

Question

انا من كنت صغيره امي ماربتني حتى ودايم يقولون ان اعطوني خالتي تربيتي عشان امي كانت حامل باختي الي اصغر مني وهو اصلاً بيننا سنه ! يعني كيف مو المفروض تربيني ؟ المهم انا ماربتني وماعشت بحضن امي ابداً وحتى يوم كبرت شوي شوي وصرت ادرس عمرها ماعطتني الحنان زي خواتي بس ماكنت ملاحظه هالشي وغير ان اقاربنا كلهم يتنمرون علي ولا فيهم احد يحبني جتى مع البزران كان يتنمرون علي ومايحبوني وملامحي اسيويه شوي مو مثلهم وانا اختلف عنهم بابسط الاشياء شعري ناعم ودهني مو مثلهم جاف من يوم كنت صغيره بحياتي محد اهتم لي الا ابوي وهو الوحيد الي كان يجيب لي هدايا مع خواتي اما الباقين تخرجت من المتوسط ولا احد حتى قالي مبروك تحز بخاطري يوم اشوفهم يجيبون لاختي هدايا ومبروك الا انا ويوم كبرت بدت توضح تصرفات امي تجاهي واحسها مو امي تعامل خواتي بكل حنان اما انا والله انها اذا صارت لي مشكله تروح تعلم ابوي وهي تضحك وابوي من كبرت صار يهاوشني ابوي وامي يعرفون دايم وش يحبون خواتي من اكل او هديه الا انا مايعرفون وش احب اقولكم مره قلت لابوي ان خالتي تكرهني ضحك وقام ركز معي بالموضوع وقال ليه وقلت له ماعرف كلهم مايحبوني وكل مافتح سالفة ان محد يحبني او انهم يتنمرون علي يضحك وكأنه يبي يغير الموضوع وغير كذا التنمر الي جاني بالمدرسه من ٤ ابتدائي الى اول ثانوي وكثير اماكن كل ماطلع فيها يناظرون فيني وكأني غريبه ومره طلعت معهم وانا البس نقاب ويحسبوني خدامتهم !!! حالياً احس جتى ابوي مو معي مره زي قبل وهو الوحيد الي احسه يعرف وش فيه ولا كيف امي تعاملني غير عن خواتي واخوي بشكل واضح يعني عادي تجيب لهم هدايا كبيره قدامي واذا اخذت منها فلوس تقول تراها سلف ورجعيها مره ابوي اعطاها فلوس عشان نشتري اغراض لجمعتنا وقلت انا معي فلوس بروح معك وماكان معي الا١٥ ريال وشريت الي ابي والحساب كامل طلع مو مره كثير وعصبت علي تقول خير تشترين وانتي مامعك فلوس! رغم ان خواتي بعد شروا ومامعهم فلوس بس ماقالت لهم شي واخر مره طلبت ابوي فلوس سحب علي او يحاول يتناسى واختي الثانيه طالبه ابوي فلوس نفس المبلغ الي طلبته رغم اني طلبته عشان اختبار القدرات وهي عشان تبي السوق وراح لها وقال " يابنيتي اسمحي لي والله ماقدرت اوفر لك من الراتب شي " طيب انا؟ طلبتك عشان دراسه! انا مو عايشه بوهم هذا الصدق والي مايعيش هالشي بيقول اني اتوهم وش اسوي عشان اعرف اذا انا بنتهم ولا اذا هي امي وش اسوي تكفون

Answer 1

شوفي جوجو اذا بتعرفين هل هم أهلك أو لا ، في طرق كثيرة منها الاتصال على رعاية الأسرة وتقديم شكوى أو حتى عن طريق المحكمة ، لكن أتوقع انهم اهلك فعلا ، لكن ليش يتعاملوا كذا ما أدري؟ 
أنا أعاني شوي من هذا القبيل ، ممكن لأني الوسط بينهم
لكن ما يجيني هذا الشك من ناحية القرابة ، لكن وش أسبابهم ، الله اللي يعرف
لكن دايما لا تعاملي نفسك كضحية ، كوني قوية واعتبري نفسك أفضل من كثير

Answer 2

ليه معاملتهم السيئه هذي طيب ؟ حتى اقاربي كلهم مو اهلي وبس! اقولك حتى فلوس مايصرفون علي والله من يوم كنت صغيره. وعندي صورتين بنفس العمر تحتلف عن بعص وحده تشبهني والثانيه مافيه اي شبه بيني وبينها ويقولون انها انا وهي ماتشبهني حتى