اكتر المواضيع الى شدتني الفترة الي فاتت وحاولت ابحث فيها سر التاريخ المحرم الحضارة الاكبر والاعظم في التاريخ الحضارة التى يقال انها انتهت بغضب من الله ومسح ما يقارب 2 مليار انسان من التاريخ تماما بسبب كبرهم (تاريخ الحضارة القديمه ماقبل الطوفان ) بدء الفضول معايا بتفكير إن كلنا عارفين قصة نوح علية السلام بس تساؤلاتي كانت هل الطوفان كان في منطقه معينه بس ولا اغرق العالم كلة ولو ف العالم كلة ربنا أمر سيدنا نوح إنه يصنع سفينة ويأخذ من كل حيوان زوج ذكر وانثي واهله ومن اتبعه من الصالحين لكن السؤوال فعلا ازاي مجرد سفينه هتتحمل كل الحيوانات الى بنشوفها دلوقتي ملايين الانواع طبعا دا غير البشر ويقال ان الطوفان استمر مايقارب ٤٠ يوم اكيد مش مجرد سفينه من الخشب هتتحمل كل دا بس النتيجه الي وصلتلها من البحث والله اعلم بحقيقة الامر إن كان في حضارات قديمه وصلت لعلم وتكنولوجيا افضل مننا حاليا بمراحل ولو الاستنتاج دا حقيقي فدا هيفسر حجات كتير زي الاهرامات مثلا التحنيط الى لغاية النهاردة منعرفش سرة الهندسة والطب والفلك الى المفروض محدش يعرف اي حاجة عن دراسة الكواكب وحركات النجوم من غير التلسكوبات والتكنولوجيا الموجودة حاليا ازاي لبشر بدائيين إنهم يبنو مدن واهراماات وتماثيل زي الموجودة لوقتنا دا حجات احنا ف عصرنا العصر الحديث المتطور الى مش هييجي زية منقدرش نعملها طب انسي كل الى فات دا وركز ف الى جاي ازاي الاهرامات مبنيه بدقه هندسية عالية الى اكتشفو تحت الاهرامات وابو الهول انفاق يتجمع فيها الطاقه ويبثها الهرم من الاعلى ف الجو واثبتو الكلام دا بالتجربة قبل ما ينسفو الانفاق طب مجسمات الطائرات في خضارة المايا ونقوش نفس الطائرات والغواصات واطباق طائرة في مصر القديمه هل كل دا مجرد خيال الرسام ؟ طب حد يعرف حاجة عن الجمجه الكريستالية ترجع لحضارة المايا يقال ان تم نحتها بدقه تشبة جمجه البشر تماما ويقال انه استخدم في صناعتها تقنيات متطورة جدا تشبة الليزر + عثر في العراق على اوعية نحاسيه تم تلبيسها كهربائيا بالفضة وتعمل كبطاريات يؤرخ انها صنعت قبل ٤٥٠٠ سنه سميت فيما بعد بطارية بغداد الكهربائية قبل الميلاد حبيت اشارك موضوع كنت قريته من فترة هي مدينه اطلانتس اذا كان فعلا الحضارات دي موجودة يبقا مش غريب ان يكون في مدينه بالتطور والعلم الى وصلتله اطلانتس ف الحكايات والروايات القديمه والنقوش الى بتتكلم عن المدينه الضائعه نرجع تاني ل الحضارة المصرية للعالم( ياتي كريستوفر دان )الى قال ان الاهرامات التلاته هم محطات توليد ونقل للطاقه تسمي pizo electric effect والمعروفة الان بأسم الموجات التصادمية. ونستخدمها فى تفتيت حصوات الكلى والمسالك البولية، وفى رأى كريستوفر أن هذه الطاقة تتولد من ذبذبات الصفائح التكتونية، والتى تحولها فراغات الهرم المحسوبة من موجات تحت صوتية إلى فوق صوتية تصطدم بجدار الهرم الذى هو جرانيت 55% منه كوارتز إلى هذه الطاقة التصادمية التى تقطع الجرانيت كما نحول بها الحصوات إلى بودرة وأكد ان الاهرامات وابو الهول اتبنت في حضارة قبل اكتر من ٧٠٠٠ سنه في حضارة فائقه التطور دي مكنتش اخر المعلومات الى عرفتها في الموضوع دا وخصوصا ان الحوار كلة مشوق ممكن الكلام ميتصدقش او صعب ان حد يفكر ان الانسان البدائي يوصل لحاجة زي كدا بس تقريبا احنا البدائيين بالنسبالهم يعني الصعب يتصدق فعلا ان شخص يعيش مايقارب الالف سنه من غير اي تقدم ودي كانت اعمارهم وقتها فعلا بدليل القرآن الكريم ف الاخر انت متخيل حضارة بالتطور والعلم دا انتهت علشان نبدأ من الصفر تاني الموضوع مش مستحيل لأن اخر الزمان فعلا هنرجع للجهل والبدائية مرة تانية وهنحارب بالخيل والسيوف زي زمان لو فكرت ف الموضوع ان مهما تقدم الانسان بالعلم والتكنولوجيا يحس بالكبر ويكفر بالله يرجع لأصلة تاني طولت جامد اكيد مفيش حد هيقرا كل دا بس حبيت اشارك الفكرة الى ممكن تكون مجنونه لكن مقنعه ف نفس الوقت بس كدا سلام ...لذلك النجم ذو الذنب او اية الدخان عندما يسقط على الارض هيكون مثل طوفان نوح ولكن مش هدمر كل سكان لاارض هيكون هناك قلة من البشر المؤمنين والكافرين ايضا لكى تكتمل عليهم علامات الساعة اخر الزمان ... والله علم
