السلام عليكم، بدي أدخل بالموضوع ع طول مشان ما أطول عليكم أنا بنت عمري 20 سنة قبل سنة تمت خطبتي على شاب عمره 27 سنة ولحد الان مخطوبين يعني فترة سنة هاي الفترة كانت كفيلة تعرفني على خطيبي وعائلته كمان باختصار اكتشفت بخطيبي اشياء كثير كان يعملها من شرب وزنا وسب الذات الالهية واخطاء كثيرة بس حكالي انه تغير اول ما خطبنا وفعلاً بطل يطلع مع بنات وبطل يشرب نهائياً وبقيت قصة الكفر يعني يسب ربنا والعياذ بالله وكل ما يعصب بصير يكفر واكبر مشكلة صارت شكه فيي وغيرته المجنونة لانه كان ماشي غلط مع بنات فاجرات صار يخنقني كثير مع انه بحكيلي انه متأكد اني مستحيل اعمل شي غلط معه بس مش بأيده وعانيت معه كثير بسبب هالمشكلة وصارت مشاكل كثير بسببها وبسبب كفره وكثير مرات كنت احكيلو ما بدي اياك وبدي اتركك يجن يجنونه لانه بحبني كثير ومتعلق فيي وانا بحبه كثير عشان هيك تحملته مع انه مقصر معي يعني انا لسة بدرس على حساب اهلي بالجامعة مع انه العادة عندنا البنت لما تخطب بدرسها خطيبها لانه حابب ادرس هوي كمان ولما يجي يزورني بكونو ايديه فاضيين وما طلعني ولا مشوار من حد ما خطبنا مع انه بالبداية حالته المادية كانت كثير منيحة بس بعدين صارت معه مشاكل وانا عاذرته وما بتهمني الماديات بس متلي متل اي بنت بتطلع ع بنات خاطبات غيري لكن الحمد لله بالنسبة لأهله محترمين لكن بحس دينهم قليل وهالشي والده انسان محترم وبصلي بس ما بصوم رمضان بحجة الشغل ووالدته بتصلي وبتصوم ومعتمرة بس صراحة بتنم على الناس كثير وبتتمسخر ع الناس وما بعجبها العجب وما بتطلع غير ع الجمال هي وكل بناتها بهمهم بس الجمال حتى وصلت فيها الحالة تتمسخر ع اهلي لكن مش امامي من وراي يصير الحكي وهي كثير قوية وبتحب الناس تخدمها وتحترمها بس ما بتحترم حدا هي كانت تحبني لاني الحمد لله كاملة من كل النواحي ودارسة لحد ما صارت اخر مشكلة وهي انه اخو خطيبي برضو خاطب على بنت عمته وبيت حماي ما كانو يحبوها وكانو يميزوني عليها وكانت كتير تغار مني لانها مو دارسة وتصرفاتها صبيانية بس اخدها خطيبها عن حب مع انه اهله كانو معارضين مع انها بتقربلهم بس سمعة خواتها مش منيحة ولبسها ما بيتلائم مع الحجاب اللي على راسها فسدت سلفتي بيني وبين بيت حماي وعملت مشكلة كبيرة وما بدي افوت بالتفاصيل لانها مشكلة طويلة بس هالمشكلة غيرت كل شي غيرت علاقتي مع بيت حماي كانو يحبوني كتير بس المشكلة غيرت كل شي لاني غلطت ووثقت في سلفتي بس الحمدلله لله درس الي قبل ما اتزوج وخطيبي كان بصفي وكمان تقاتل مع اهله وصار نقاش بينه وبين بنت عمته اللي هي سلفتي خطيبة اخوه وغلط عليها وع خواتها عشان سمعتهن واهلو زعلو وتقاتل مع اخوه ووقف معي لانه بعرف بنات عمته خبيثات وماشيات غلط انا بصراحة متعقدة لاني بعرف رح يصير مشاكل بس اتزوج لانه بيتنا فوق بيت حماي وفوقنا بيت اخوه وحماتي قوية ما بعجبها العجب مع اني ما بقصر وسلفتي بتغار مني وبتكرهني بدون ما اعملها شي بس لانها حاسة بالنقص وكل أسلوب حياتهم مش عاجبني ولو بقدر اوصف وصفت اكتر بس المشكلة انا وخطيبي بنحب بعض بالرغم من كل شي بس انا تحملته وما بدي الناس تحكي عني لانه في ناس كثير بدها تشمت فيي ما بعرف ليش لهدرجة الناس حسودة بس والله تعبت من التفكير بكل شي سواء بخطيبي واطباعه و كمان بأهله وحتى قريباتي حاسداتني على خطيبي لانه الله يحميه ملك جمال مو ناقصه شي وحالته منيحة بس الناس الهم بالظاهر وكمان قرايبه حاسدينو علي وما بيعرفو شو المشاكل يلي بتصير بس انا تعبت حتى خطوة الانفصال اهلي ما رح يتقبلوها الله يسامحه والدي مع انه بعرف بالمشاكل بس كل همه يزوجني مع انه والله العظيم مليون واحد بتمناني بس عقله هيك ما بيقبل البنت تنخطب وتبطل وانا اصلا غير هيك صعبة علي فكرة الانفصال بالرغم من كل هالمشاكل انا متعلقة بخطيبي كثير وبحبه وهاد يلي متعبني لو ما بحبه بتركه وبقنع اهلي بأي طريقة بس انا اللي مش قادرة يعني ما ضغطت ع اهلي من هالناحية تعبت والله فترة الخطبة لازم تكون احلى فترة بس انا بتعذب فيها كثير ساعدوني ولو بنصائح بسيطة بعرف طولت بس ما الي غير هالمكان احكي مشاكلي لاني من الناس اللي ما بتحب تحكي لحدا مشاكله بس جد حابة حدا ينصحني ومشكورين
