ما بان عليك سفر العمر لسة الربيع يا دابو زار:
ما بان عليك سفر العمر
لسة الربيع يا دابو زار
لسة الضفاف المترعة
بتفيض ندى وتطرح ثمار
وأنا جوة قلبى المشتهيك ..
نزفت جراحات الودار
الناس عليك ناداها فال
فى عيونة نام الازدهار
* * * * * * *
جوه العيون أطفال فرح ..
لمة زفاف ..
ازمان بتغرق فى النعيم
وحنان غمر عاشقين رهاف
وأنا جوه قلبى الكلو ليك ..
نزفت جراحات الودار
* * * * * * *
يا زهرة طالت بالفرح
بتراقص أنوار المساء
ما بان عليك أثر القطاف
ولا جاتك أيام القسا
ما اروعك وانت الشباب
بحمرة الريد أكتسى
وانا جوه قلبى المشتهيك
نزفت جراحات الودار