اولا مساءالخير
ثانيا انا هتكلم من المنظور المسيحى ربنا مش كاتب لينا اللى هو عايزه لا بلعكس ده اللى احنا عايزينه طيب ازاى اقول لحضرتك هنتكلم على مثلا المرض (السرطان ) ده سببه مين هنقول ربنا لا طبعا وحشا انى اى حد يقول كده بمعنى ادق انى من بعد اكل ادم من شجرة معرفة الخير والشر الانسان عرف يعنى ايه خير ويعنى ايه شر مع تطور الاحوال الانسان بدء الانسان يخترع ويبتكر لحد ما عمل مبيد يخلى الثمر يكبر ويطلع فى غير اوانه وغيره كتييير نيجى احنا ناكل الثمر ده وعلى مدار الايام الانسان يصاب بالمرض ده يبقى اصل كل شئ هو الانسان لانه مخير مش مصير حاجة تانى
ومن حيث انه يختبرنا ده اللى يحبه ربه يجربه يعنى ايه الكلام ده هوضح لحضرتك بس قبل ما اوضح لو انت مخلى حياتك بين ايد ربنا ثق انى ربنا هيكون امين على اللى فى ايده والدهب بيتنقى ازاى بوضعه تحت درجة حرارة عالية صح علشان يبقى دهب خام طيب وانت فى وسط مشكلة اول حاجة بتقولها يارب المشكلة تتحل صح وممكن بسبب المشكلة دى تقرب من ربنا اكتر واكتر طيب بردوا ليه بيجربنى علشان لما اوصل عنده ابقى نضيف لانك ممكن تلاقى كتييير بعيد عن ربنا وحالتهم زى الفل ونجى احنا بدل مانشكر ربنا لا نعترض ونتزمر مع العلم صدقنى انى ربنا عادل جدا جدا واللى انت شايفه غنى ومعاه فلوس هتلاقى الف حاجه وحاجة شغله باله واحنا عندنا حاجة بتقول ان محبة المال اصل كل الشرور والكلام اللى بيتقال انى المسحيين اختاروا المال والجمال ده مش صح
وبالنسبة انه هيحاسبنا ونتعاقب فى الاخر ده فى حالة وحده انى عنيد بمعنى العربية المرسيدس فى من قدام سينسور(حساس) لو انت سايق وسرحان تلاقى العربية تقريبا قبل ما تخبط فى حاجه بكيلو تديك انزار ولو حضرتك فضلت سرحا ودايس على البنزين تبدء تحجر منك اكنك شادد فرامل اليد طيب ولو فضلت سرحان خلاص هتخبط العربية عملت اللى عليها لكن انت فضلت دايس على البنزين طبعا مع فارق التشبية ده اللى بنعملة مع ربنا اننا بنفضل نغلط و ونغلط لحد ما يجى اليوم اللى مفهوش رجوع لكن عندنا ايه بتقول ان "سمعتوا صوته فلا تقسوا قلوبكم" علشان اكيد لو انا مخلى حياتى فى ايد ربنا زى ما قولنا قبل كده اكيد اكيد اللى هو هيختاره اللى انا فكره وحش افضل مليوووووون مرة من اللى انا مختارة لنفسى
ودى اجابتى من وجة نظر المسيحية وعزرا على الايطاله
