انا فتاه عمرى 23سنه خريجه احدى كليات القمه ملتزمه دينيا الى حد ما وعمرى مكان ليا علاقات مع شباب حتى مليش اخوات اولاد كل تعاملاتى مقتصره ع حدود التعامل بيني وبين زمايلي ف الكليه وبعد كده الشغل تقدم لخطبتي العديد من الشباب منذ ان كنت ف الكليه ولكن كنت دايما لاجد الراحه والقبول ولا اجد الدين والاخلاق حتى انتهي الامر بتقدم شاب ذات مستوى يكاد يكون اقل مما كانوا قبله ف الكليه والوظيفه لكنه ذو دين وخلق بشهاده الناس واهله مستواهم كويس لم اجد القبول الكامل معه لكن ممكن يكون50فالمئه وحسيت ان ممكن ملقيش القبول الكامل ده بعد كده لكن برده اعترضت ورفضته ف الاول لكنه طلب اني اديه فرصه ونتيجه لتمسكه بيا وافقت وتغاضيت عن المستوى العلمى والقبول الكامل وانه ف بدايه حياته وطبعااا بتشجيع من اهلى لانهم مقتنعين بيه واتخطبت ليه بقالى 3 شهور ..بس للاسف لسه بحس بعدم القبول ف بعض الاحيان وانه مش الصوره اللى كنت رسماها ف خيالى واحس ان متضايقه منه ف بعض الاوقات ع الرغم من انى اوقات بتقبله وبكون مبسوطه معاه وكمان بحس اننا متفاهمين ومتفقين ف جوانب كتير ده غير حبه الجنوني ليا وناس كتير حوليا بتشوفه مقبول جداا شكلاا بس مبحسش اني مبسوطه اما حد من زمايلي ف شغلى يسألنى خطيبك بيشتغل ايه او خريج ايه ومبكنش مبسوطه اما يجيلي الشغل ع عكسه هو بيتفاخر بيا قدام الناس كلها
صليت صلاه استخاره ع الرغم من اني كنت بصليها قبل الخطوبه كتير والموضوع مشي برده واما صليتها دلوقت حلمت ان خطيبي هيخطب واحده غيري وانا كنت زعلانه وبعيط
انا مش عارفه اتقبل خطيبي ازاى كله ع بعضه كده وازاى احبه كله ع بعضه وابقي حاسه انى مش شايفه حد غيره انا عارفه ان المشكله عندي ودايما والدتى بتقولى انى فاهمه القبول غلط بس انا تعبت ومش عارفه اعمل ايه ونفسي اكون مبسوطه واجهز شقتي واعمل كل حاجه زى اى عروسه بتحب خطيبها