1- انك معاك سيارة :- وفي الحالة دي يفضل الطريق الاتي من علي الدائري بعد المرج بخمس دقائق وانت جاي من ناحية موقف العاشر هتلاقي نزلة علي الشمال مكتوب عليها ابو زعبل انزلها وخد الطريق ده وبعد حوالي 10 دقائق هتلاقي كوبري اطلعه وعدي الناحية التانية لأن السجن في الناحية التانية انت طبعا ماشي علي طريق ترعة الاسماعيلية المهم بعد ما تعدي الناحية التانية لف وكمل في نفس اتجاة سيرك يعني مترجعش وخليك علي الطريق ده علي طول لحد ما تلاقي مزلقان سكة حديد بعده بأمتار هتلاقي السجن علي الشمال . 2- لو انت رايح مواصلات هتلاقي من المرج الجديدة عربيات بتشحن ابو زعبل هتركبها الاجرة تقريبا 1.5 ج وتخليك فيها لغاية متنزل ابو زعبل وبعدين تمشي قدام حوالي 200 متر هتلاقي عربيات ربع نقل بتحمل ركاب ورا خمسة امام خمسة تركبها وتتاكد انها رايحة ابو زعبل خمس دقائق وتلاقي نفسك امام السجن والاجرة 1ج والرجوع من امام السجن اما تركب عبيات ابو زعبل وترجع من نفس الطريق او تركب عربيات مسطرد .