خير اللهم اجعله خير انا كنت قاعدة في شركة جوزي وهي كدا كدا بيصفوها دلوقتي في الحقيقة يعني وكان معايا في الحلم زميلتي في الشغل فكنت بقلب في التليفزيون بتاع الشركة فسيبت قناة قران فدخل شيخ عجوز بس. مش قوي مليان وطويل وعنده دقن متوسطة بيضا فقال الله
فراحت زميلتي متريقة علينا احنا الاتنين
فاتصايقت منها
قعدت تقول حاجة شبه لايقين على بعض وهبل كدا وقعدت أغير في قنوات التلفزيون وبعدين ماهتمتش بحاجة ورميت الريموت على الترابيزة
بعدها بدقيقة دخلت بنت بتاعة ٣ سنين قمر وكان قدامي على الترابيزة ازايز برفات كتير لونها روز وازايز لونها لبني حوالي 600 ازازة روز و600 لبني
انا كنت بكلم صاحبتي بقولها عايزة الإزازة الروز دي هاخدها عجباني ورشيت منها وريحتها حلوة .. البنت الصغيرة جت راحت لاعبة في ازازة من اللبني ووقعت ع الارض اتكسرت البنت اسمها سالي
خدت البنت دخلتها جوة المكتب عشان أقول لجوزي بس ملقيتش جوزي لقيت خالي
المهم قولتله قال مش مشكلة
بعدها خدت البنت معايا في مكان قريب من البيت وكنا قاعدين انا وهي
وزميلتي ف الشغل قعدت اتكلم شوية واتفاجئت ان البنت روحت لباباها البيت عشان اتاخرت عليه مع العلم ان حبيت البنت جدا
وكانت جميلة شعرها اصفر وكانت عاملاه ديلين حصان وبيضا وخدودها حمرا
ولما مشيت لوحدها خوفت عليها قوي قعدت ابص عليها ف الشارع وأدور عليها وكان اسمها سالي في الحلم قعدت انادي عليها
وبعدين قولنا أكيد روحت لباباه>>>> كمان كنت في الحلم شايفة شعري طويل واتفاجئت بيه وكنت صابغاه اصفر وكنت فرحانة بلونه قوي وبطوله
عندي 27 سنة متجوزة من 6 شهور ولسة ماخلفتش ولا حملت
