كل الأوراق اللي هتحتاج تقدمها في مكتب التجنيد اللي هو بيكون في قسم الشرطة اللي أنت تابع ليه :
1 - أصل المؤهل : سواء كان شهادة مؤقتة أو نهائية أو حتى بيان من الكلية إن انت خلصت دراسة فيها ( و اللي معاه دبلوم يقدم شهادة الدبلوم )
2 - شهادة ميلاد كمبيوتر : و ديه بتجيبها من السجل المدني و يُفضل تعمل 2 عشان ممكن تحتاج واحدة تاني
3 - فيش جنائي : و ديه بتجبها من أقرب قسم أنت تابع ليه أو من أي قسم مش هتفرق...أهم حاجة تقوله انك هتقدمها في الجيش عشان يكتبلك عليها
4 - بطاقة 6 جند : و ديه بتاخدها من الكلية لو أنت كنت مسلمها ليهم من الأول أو من قسم الشرطة اللي أنت تابع ليه... و لو ضاعت لأي سبب من الأسباب سواء منهم أو منك يبقى لازم تروح تجيب حاجة اسمها بطاقة 7 جند من مديرية الأمن اللي أنت تابع لها و ان شاء الله مش هيبقى فيه مشكلة
5 - فصيلة دم : و لازم تكون من مستشفى حكومي و تخليهم يختموها بختم النسر
6 - قيد عائلي : و ده بتعمله لو عندك حالة من حالات الاعفاء المؤقت أو الدائم من الجيش زي ما تكون مثلا وحيد او لو أنت اكبر اخواتك و والدك متوفي الى اخره من الحالات
7 - 4 صور بخلفية بيضاء
