حلمت انه أهل خطيبي السابق زارونا في منزل جدي و معاهم شبكة .. ف بابا نده عليا و قال لي اقعدي معاهم و كان ابو خطيبي و امه و اخوه و عمهم مع العلم اني ماشوفتش عمهم في الحقيقه و محدش جه يخطبني غير امه و ابوه و اخوه و اخته بس... بعد ما قعدت معاهم في الحلم جه بابا قال لهم هي دي رهف ساعة ما بتيجي البلد هنا بتأمل و تشرب و تقعد زي الناس هنا..ف عمه هزر مع بابا و بابا قام قعد في الصاله...بعدين جه ابوه يلبسني الشبكة و قال احنا جايين عشان نصلح الموضوع ف انا اعتذرت و قولت لهم كلهم جيتكم على راسي بس اسفه مش هقدر اقبل ف ابوه قال ليه و كدا قولت له معلش مش هعرف اعمل كدا تاني ... راح اخوه قال لي انتي مابتفهميش في الاصول ولا ايه على انه ابوه و عمه جاي و انا برضو ماوافقتش قولت له و هو الاصول اللي عمله اخوك؟؟ و قولت له انت عارف كويس هو عمل ايه و انا مابحبش اتكلم كدا قام قال ل رغد اختي خلي اختك توافق ف قولت له لو قولت ل رغد هتتعصب و هترفض .. قولت له بعدين دا محدش فيكم كلمني من يوم ما فسخنا الخطوبه... قامت امه قالت انتي روحتي ل بنتي اخر مره و كانت مقابلتك ليها مش حلوه..قولت لها ازاي مش حلوه ! دا انا حضنتها و بوستها و قعدت معاها و مشيت و دا حصل في الحقيقه فعلا و اديت لها بوكس هدية بمناسبة رمضان... ف في الحلم امه ردت عليا و قالت لي اديتيها طبق و نص.. قولت لها طبق و نص !؟؟؟ ف اتعصبت و قولت لهم شفتوا! يعني دا كلام يتقال؟! بعدين هي وقعت عالارض في البلكونه ف قولت ل اختي قومي شوفيها معلش و بعدين جوزها اللي هو ابو خطيبي اتصل عليها وهو قاعد قال لها في ايه قالت له معلش الشاش دخل في عيني و محدش قام يبص عليها ولا يطمن عليها .. بعدين ابوه قام و قال لي عامة انتوا هتزورونا بكره ان شاء الله ف استغربت و قولت له طيب مفيش مشكله ان شاء الله و حضنته و سلمت عليه و بعدين دخلت ل ماما المطبخ و بابا كان قاعد كل دا في الصاله عشان ماكانش حابب يسمعني وًانا بتكلم و زعلانه ..... مع العلم انه في الحقيقه اتخطبنا٦ شهور و فاسخين الخطوبه بقى لنا خمس شهور دلوقتي
