السؤال :لما روحت مديرية امن الجيزة شافوا البطاقة وطلعولى استمارة 7 جند لانى مواليد 2002 بس الكلية طلبت 6 جند اية الحل لو سمحت
الجواب : هو ان تتوجه الى شؤون الطلبة فى الكلية وتخبرهم بهذا الأمر وانك لم تستطيع ان تحصل على استمارة 6 جند لأنك أصغر من عمر 19 سنة وغالبا سيخبروك بأن يمكنك تقديمها لهم فى سنة ثانية عندما تكون اتممت 19 سنة ويتم تأجيل تقديمها فى السنة الحالية.
بعد اعلان موعد ظهور نتيجة الثانوية العامة يتسائل طلاب الثانوية العامة عن الأوراق المطلوبة للتقديم في الكليات سواء العلمية من " طب - هندسة - صيدلة - علاج طبيعي " أو أدبية مثل " تربية - آداب - حقوق - تجارة - علوم " وغيرها من الكليات المختلفة، خصوصا بعد ظهور تنسيق المرحلة الأولي بعد أيام ولذلك اعددنا لكم ماهى الأوراق المطلوبة للتقديم فى الكليات
الأوراق المطلوبة للتقديم لكليات الثانوية العامة
١ - صورة بطاقة الترشيح .
٢ - اصل شهادة الثانوية العامة + صورة منها .
٣ - اصل شهادة الميلاد + صورة منها .
٤ - صورة البطاقة الشخصية .
٥ - عدد ٦ صور حديثة مقاس ٤ في ٦ .
٦ - استمارة ٢ جند [ للذكور فقط ] .
٧ - استمارة ٦ جند [ للذكور مواليد 98 فيما فوق فقط ] .
٨ - المصاريف [ تختلف من كلية للتانية ] .
نصائح هامة
1- صور بطاقة الترشيح بعد ما تطبعها حوالي ٥ صور ، لانك هتدخل بيها من بوابة الجامعة وهتبقي ضمن ورق التقديم وهتحتاجها .
2- الصور مينفعش تبقي غير مقاس ٤ في ٦ لو روحت بصور صغيرة هترجع بيها ومش هياخدوا ورقك .
3- استمارة ٢ جند و ٦ جند بتيجي من منطقة التجنيد اللي انت تابع ليها ، وبعض المدن والمراكز بتجيبها من مديرية الامن ، افضل حاجة تسأل واحد من بلدك اكبر منك وكان في ثانوية وقوله كنت جايبها منين .
4- بعض الكليات بتطلب دوسيه بلاستيك مع ورق التقديم ، عشان تحط فيه ورقك .
5- لما تروح تجيب استمارة ٢ جند واستمارة ٦ جند ، هتجيبها بالبطاقة فقط ، وممكن حد يجبهالك عادي .
6- مواليد 99 من الذكور مفيش ليك استمارة ٦ جند لان سنك لسه صغير ، ولو روحت تجيبها هيقولك مفيش ليك .
