فكرت يوم فـ الوفا وميلتي للتقدير
ملعون أبوها الطيبة لقلوب مبتحسش
أنا لسه عايش ناقصني حاجات كتير
بس إياك تخون أو تجرح وكرامتي متمسش
أنا حالم وكلي أمل وطموح وقلب يغير
كالموج ساكن تملي لكنه عالي وأصيل
ليلي سُهد ودربي زُهد ما يهزني ريح ولا أميل
قدمت حُبي مجاني عربون وفائي قساني بالويل
وعشت أحلم سنين بيكي مسافر لجل أراضيكي..
ونفسي مرة أراضيكي تحسي باللي جوايا
يا أول قصة ورواية وضحكة فـ ليلي الطويل
صورتك مفارقتنيش كأني بموت وبعيش
وكل ما نبعد مبسبكيش حتى قررتي مرجعلكيش
أنا المشتاق وأنا الموعود بالفراق...
ملعون الحب بتفاصيل..
ملعون القلب اللي تملي يميل
عشت وحدي وصرت وحدي فـ تضليل
أنا اللي عاش حبه ليكي فـ قلبه وملقاش بديل
#إبراهيم_تاج_الدين✍
