82 مشاهدة
معلومات عن مرض التصلب المتعدد او كما سمي في بعض البلدان العربيه التصلب اللويحي وتم اختصارة ب ms
 
اولا المرض ده مش معدي
بمعني لا هو جرب ولا  برد- يعن مش لازم لما حد يقولك انه عنده ms  ترجع لورا خطوتين مش هتتعدي ما تخافش

ثانيا المرض ده اصلا مرض مناعة ذاتية لانه بيصيب الجهاز العصبي
و كمان بمعني اوضح الجهاز العصبي حاجة و المشاكل النفسية  حاجة تانية ملهاش علاقه بيه يعني أنا مش مجنون الجهاز العصبي مسؤول عن التركيز والذاكرة ومسؤول عن الإحساس و الإدراك بالعوامل الخارجية و كمان رد الفعل عليها
وده لا يعني ان الشخص غير متزن نفسيا متعايش بلاش نخاف منه لانه شخص حساس جدا

ثالثا مريض ال MS ممكن يشتغل اي وظيفه عادي جدا ويمارس حياته بالفعل كشخص عادي هو بس محتاج  ينظم مجهوده علشان يعرف يحافظ علي قدراته الإنتاجية ولابد ان يبتعد عن الاجهاد الذائد والارهاق والتوتر.

رابعا البنت او الراجل المصابين ب MS
ممكن يتجوزوا عادي جدا وممكن كمان يخلفوا و يربوا اولادهم زي بقيت البشر  عادي بردو ومش ضروري ان اولادهم يتولدوا بالمرض لان استعداد الوراثه في الابناء بتكون فقط بنسبة 3%
خامسا عراض المرض بتكون حاجة من اتنين
يا اما مفاجاة ودي اسمها هجمة/انتكاسة او كمان attack
يا اما أعراض عامة مستمره وبيتعايش معاها نتيجة لبعض الاصابات الموجودة في الجهاز العصبي المركزي.
بمعني انها مش حالة بتجيله مثلا عشان يتوصل بالجنان

سادسا الأكتئاب المصاب بيه مريض ال ms ده مش علشان هو بيكون مش راضي عن حاله ومش علشان علاقته بربنا وحشه مثلا ولا ضعيفه لا قدر الله
ده احيانا كتير نتيجة طبيعية من الأدوية الكيميائية اللي هو ماشي عليها
يعن وارد جدا ان دكتور المخ و الاعصاب ال متابع حالته يكتبله علي مضاد الاكتئاب واحيانا الموضوع محتاج طبيب نفسي ودة مش عيب المشكلة عنده اصلا بتكون لخبطة في الكيمياء بتاعة المخ

سابعا التداعيات الوارد او المحتمل انها تحصل مع المرض ده اصلا مش محتاجة مرض علشان تحصل
يعني ممكن تحصل لاي حد سليم ومش محتاجة سبب يبررها و من ثَم هواصلا كمان مش محتاج يبررها سواء حصلت او محصلتش ومش مطلوب منه يطمن حضرتك انها مش لازم تحصل

ثامنا الأدوية بتاعة مريض ال ms بتكون غالية لان بالوصف ده معظم تدوينه مستوردة وأدوية معدله جينين و كمان لسه مش منتشرة زي أدوية الضغط او السكر

تاسعا من اكتر أعراض المرض المنتشره
سرعة الإرهاق معني كده وارد جدا انه يبقي زي الفل بس مشكلته انه بيتعب بسرعة يعن مش بيدلع وممكن بعد ما بيريح شوية يرجع تاني زي الحصان
ف بنشوفه طبيعي كنظرة عامه ولكن هو مش بيدلع ولا بيتمارض هو بس طبيب نفسه
وهو اكتر واحد بيبقي عارف امتي تعبان و محتاج يفصل فعلا
و لانه شخص مسؤول اول لما بيتحسن بيرجع يكمل مهامه عادي جدا

عاشرا قصة المرض ده

المرض ده تم اكتشافه بقاله فترة صغيرة واللي كان بيحصل ان الباحثين ابتدوا يلاحظوا ان في نمط وشمل متكرر من الأعراض
و مع متابعة العديد من المرضي عرفوا انه بيحصل بسبب خلل في جهاز المناعة
والمعروف قديما ان جهاز المناعة بيهاجم بس الأجسام الغريبة عن الجسم ذي البكتريا او الفيروسات بس لا اكتشفوا  إنه  بيهاجم الخلايا العصبية بتاعة الجسم نفسه

ولو اسم المرض غريب
أحب إن  اوضح  لحضرتك ان مرض السكر اسمه العلمي diabetes mellitus
فممكن جدا مع انتشار الوعي عن هذا المرض
يتم تغيير اسمه
ولكن هو الي الان معروف باسم MS او
التصلب_المتعدد

والاهم من كل ذلك إن الوعي مطلوب
و قبله الانسانية ومن اهم قيم الإنسانية هي "الاحترام"
نشر يوليو 30، 2022 بواسطة (1,676 نقاط)