عشان وطنك عشان وطني
عشان دمك عشان دمي
عشان روح الشهيد الفات
وشال همك وشال همي
عشان الخبز أصبح حلم
عشان بلدي البينزف دم
عشان الشيل تقيل والهم
اجيب من وين اجيب بي كم
وفي المستشفي اخوي راقد
وللدم والعلاج فاقد
اقول اصبر واتحسبن
يموت واكون شاهد
عشان طالبنا بحقوقنا
اذونا واطلقو النيران
ولكنو الكريم فوقنا
بزيل الظلم والطغيان
ونسوان الفريق فزّن
امرقو امرقو سلمية
ولي ام الشهيد عزن
اخوك في الجنة يا بنية
طلعنا نقولا كلمة حق
في وجه حكومة قمعية
في وجه انسان لمالنا سرق
باسم الدين وشرعية
اكيد حنعود في يوم احرار
نبارك فرحة الثوار
ويمشي الليل ويبقي نهار
علامة النصر لينا شعار
✌️ سلمية ✌️
